सार्वजनिक लेखा समितिकी सदस्य खुश्बु ओलीले विभिन्न सञ्चारमाध्यममा आएजस्तो पोशाक खरिदबारे कुनै पनि छानबिन समिति गठन नगरिएको स्पष्ट पारेकी छन्।

उनका अनुसार सार्वजनिक लेखा समितिले निर्वाचन प्रहरी, नेपाल प्रहरी र सशस्त्र प्रहरी बलको पोशाक खरिदबारे प्राप्त प्रतिवेदन तथा सम्बन्धित कागजातहरू अध्ययन गर्नका लागि मात्र उपसमिति गठन गरेको हो। सुरक्षा निकायहरूबाट प्राप्त कागजातहरू अध्ययन गरी उक्त विषयमा थप छानबिन आवश्यक छ वा छैन भन्ने निष्कर्षमा पुग्न यो उपसमिति बनाइएको सांसद ओलीले बताइन्।

अहिले गठन भएको उपसमितिको मुख्य जिम्मेवारी पोशाक खरिदबारे प्राप्त विवरण र कागजातहरूको अध्ययन गर्ने मात्र रहेको र त्यसैको आधारमा आगामी प्रक्रिया तय हुने जनाइएको छ।

नेतृ ओलीको फेसबुक पोष्ट- 
विभिन्न सञ्चारमाध्यममा आएजस्तो आज छानबिन समिति गठन भएको होइन। सार्वजनिक लेखा समितिले निर्वाचन प्रहरी, नेपाल प्रहरी र सशस्त्र प्रहरी बल, नेपालको पोशाक खरिदसम्बन्धी अध्ययन उपसमिति गठन गरेको हो।
नेपाल प्रहरी र सशस्त्र प्रहरी बल, नेपालबाट प्राप्त प्रतिवेदन तथा सम्बन्धित कागजातहरूको अध्ययन गरी यस विषयमा थप छानबिन गर्नुपर्ने आवश्यकता छ कि छैन भन्ने निष्कर्षमा पुग्नका लागि यो उपसमिति गठन गरिएको हो।
हाम्रो स्पष्ट अडान छ, पहिले तथ्य, प्रतिवेदन र कागजातको अध्ययन हुनुपर्छ, त्यसपछि मात्रै छानबिन आवश्यक छ कि छैन भन्ने निर्णय हुनुपर्छ।