फिफा विश्वकप २०२६ अन्तर्गत साविक विजेता अर्जेन्टिनाले सानदार जित दर्ता गरेको छ। गएराति सम्पन्न खेलमा अर्जेन्टिनाले अल्जेरियालाई ३–० गोलको फराकिलो अन्तरले पराजित गरेको हो।

अर्जेन्टिनालाई जित दिलाउन कप्तान लियोनल मेसी एक्लैले ह्याट्रिक गरे। खेलको १७ औं, ६० औं र ७० औं मिनेटमा गोल गर्दै मेसीले आफ्नो उत्कृष्ट लयलाई निरन्तरता दिए।

मेसीको विश्वकप खेल जीवन (करिअर) मा यो पहिलो ह्याट्रिक हो। यस ऐतिहासिक प्रदर्शनसँगै उनले फिफा विश्वकपमा सर्वाधिक गोल गर्ने कीर्तिमानको समेत बराबरी गरेका छन्। मेसीले जर्मनीका पूर्व स्ट्राइकर मिरोस्लाभ क्लोजेको नाममा रहेको १६ गोलको विश्वकीर्तिमान बराबरी गरेका हुन्।