झापामा टिपरको ठक्करबाट एक जना साइकलयात्रीको मृत्यु भएको छ। जिल्ला प्रहरी कार्यालय झापाका अनुसार दुर्घटनामा परी झापा गाउँपालिका–३ का ६५ वर्षीय इशनलाल गणेशको ज्यान गएको हो।

शनिबार साँझ टिपरले ठक्कर दिँदा गम्भीर घाइते भएका गणेशको उपचारका क्रममा बिर्तामोडस्थित बिएण्डसी अस्पतालमा निधन भएको प्रहरीले जनाएको छ।

चालक पक्राउ र तोडफोड
घटनापछि सवारीसाधनसहित फरार भएका टिपर चालक झापा गाउँपालिका–३ कामाटोलीका ३६ वर्षीय फागुलाल राजवंशीलाई प्रहरीले पक्राउ गरेको छ। साइकलयात्री गणेशको मृत्यु भएको खबर फैलिनबित्तिकै आक्रोशित स्थानीय बासिन्दाले दुर्घटना गराउने टिपरमाथि तोडफोड गरेका छन्। घटनाबारे थप अनुसन्धान भइरहेको प्रहरीले जनाएको छ।