मौसम पूर्वानुमान महाशाखाका अनुसार अहिले देशभर कुनै उल्लेखनीय मौसमी प्रणालीको प्रभाव रहेको छैन।
हाल देशका पहाडी तथा हिमाली भूभागमा आंशिक बदली रहेको र बाँकी अधिकांश क्षेत्रमा मौसम मुख्यतया सफा छ। गण्डकी र लुम्बिनी प्रदेशका उच्च पहाडी तथा हिमाली क्षेत्रका एक–दुई स्थानमा हल्का वर्षासहित हिमपात भइरहेको महाशाखाले जनाएको छ।
आज दिउँसो पनि पहाडी र हिमाली भूभागमा आंशिक बदली रहनेछ भने अन्य भूभागमा मौसम सफै रहनेछ। कोशी, बागमती र गण्डकी प्रदेशका हिमाली क्षेत्रका काहीँ स्थानमा हल्का वर्षासहित हिमपात हुने सम्भावना छ।
महाशाखाका अनुसार रातिको समयमा कोशी, गण्डकी र कर्णाली प्रदेशका पहाडी तथा हिमाली भूभागमा आंशिक बदली रहन सक्नेछ भने देशका अन्य भागमा मौसम मुख्यतया सफा रहनेछ।
तपाईको प्रतिक्रिया दिनुहोस