मौसम पूर्वानुमान महाशाखाका अनुसार हाल देशभर उल्लेखनीय कुनै मौसमी प्रणाली सक्रिय नभएको जनाएको छ।

बिहान कोशी, बागमती, गण्डकी र कर्णाली प्रदेशका पहाडी भूभागमा आंशिक बदली देखिए पनि अन्य अधिकांश क्षेत्रमा मौसम सामान्यतया सफा रहने छ ।

आज दिउँसो सुदूरपश्चिमसहित कोशी, गण्डकी र कर्णाली प्रदेशका पहाडी भूभागमा आंशिक बदली रहनेछ भने बाँकी क्षेत्रको मौसम सफा रहने महाशाखाले जनाएको छ।

आज राति गण्डकी, कर्णाली र सुदूरपश्चिम प्रदेशका पहाडी तथा हिमाली भूभागमा सामान्य बदली रहनेछ। गण्डकी प्रदेशको हिमाली भूभागका एक–दुई स्थानमा हल्का वर्षासहित हिमपात हुने सम्भावना रहेको महाशाखाले जनाएको छ।