गोरखा दरबारको दसैँघरमा आज विधिपूर्वक जमरा राखियो
गोरखा दरबारको दसैँघरमा आज विधिपूर्वक जमरा राखिएको छ। नवरात्रको पहिलो दिन घटस्थापनाका अवसरमा, गोरखकाली मन्दिरका मुख्य पुजारी शारदाप्रसाद भट्टराईले जानकारी दिए अनुसार, मूलदरबारस्थित दसैँघर, कालिका र गोरखनाथ मन्दिरमा बिहान ९ः१६ बजेको साइतमा जमरा राखिएको हो।
परम्पराअनुसार, बिहान सबेरै गोरखकाली मन्दिरको कैलाश कोठाबाट देवी भगवतीलाई मूल दरबारको गर्भगृह (पूजाकोठा) मा पदस्थापना गराइ पानी घडा थापेर जमरा राखिएको छ। भट्टराईले भने, “गोरखा दरबारको जमरा घरमा एक पाथी, कालिका मन्दिरमा र गोरखनाथ मन्दिरमा चाररचार मानाको दरले जौ को जमरा राखिएको छ। उपल्लो कोट, तल्लो कोटहरुमा पनि एकरएक मानाका दरले जमरा राख्ने गरिन्छ। गोरखा दरबारका सबै ठाउँमा कुल तीन पाथीको जमरा राखिएको छ।”
गोरखा दरबारमा जमरा राखेपछि मात्र देशभरका हिन्दू धर्मावलम्बीले घरघरमा जमरा राख्ने परम्परा रहेको विश्वास गरिन्छ। यसै क्रममा, प्रतिपदा सुरु भएसँगै कालिका मन्दिरमा नियमित कालो बोकाको बलि दिने प्रचलन पनि छ। बडादसैँमा टीकासँगै जमरा लगाउँदा शुभ हुने धार्मिक विश्वास पाइन्छ। घटस्थापनाको दिन राखिएको जमरा विजयादशमीको दिन टीकासँगै लगाउने गरिन्छ।
यस पर्वको अवसरमा गोरखा दरबारको वातावरण भक्तिमय र उल्लासित भएको छ, र भक्तजनहरुले उत्साहपूर्वक जमरा राख्ने प्रक्रिया सम्पन्न गरेका छन्। यो परम्परा मात्र धार्मिक आस्था व्यक्त गर्नका लागि नभई, समुदायलाई एकताबद्ध गराउने महत्वपूर्ण अवसर पनि हो।
तपाईको प्रतिक्रिया दिनुहोस