चीनको सिजाङ स्वायत्त क्षेत्र (तिब्बत) स्थित नागकु शहरको बाकेन काउन्टीमा बिहीबार राति ७.० म्याग्निच्युडको शक्तिशाली भूकम्प गएको छ। चीनको भूकम्प नेटवर्क केन्द्र (सीईएनसी) का अनुसार स्थानीय समय अनुसार राति १०:३३ बजे (नेपाली समय अनुसार राति ८:१८ बजे) गएको उक्त भूकम्पको केन्द्रबिन्दु नागकु शहरबाट करिब ११५ किलोमिटर टाढा १० किलोमिटर गहिराइमा रहेको थियो। 

भूकम्पको कडा धक्का चीनका विभिन्न भागका साथै छिमेकी मुलुकहरू भारत र म्यानमारसम्म महसुस गरिएको समाचार संस्था सिन्ह्वाले जनाएको छ। भूकम्पबाट पुगेको जनधनको क्षति तथा प्रभावित क्षेत्रको विस्तृत विवरण आउन बाँकी छ।