सरकारले लामो समयदेखि समस्याग्रस्त बन्दै आएको स्वास्थ्य बीमा कार्यक्रमलाई व्यापक पुनर्संरचना गर्ने भएको छ।

अर्थमन्त्री डा. स्वर्णिम वाग्लेले शुक्रबार संघीय संसद्‌मा आगामी आर्थिक वर्ष २०८३/८४ को बजेट प्रस्तुत गर्दै स्वास्थ्य बीमालाई थप व्यवस्थित र प्रभावकारी बनाउन यस्तो घोषणा गर्नुभएको हो। सेवा प्रवाहमा देखिएका प्राविधिक तथा व्यवस्थापकीय कमजोरीका कारण यो कार्यक्रम पछिल्लो समय संकटमा पर्दै आएको थियो।