रूपन्देहीको सिद्धार्थनगर नगरपालिका–३ स्थित महामाया पथमा डेरा गरी बस्दै आएका अन्दाजी ७० वर्षीय एक पुरुष शनिबार आफ्नै कोठाभित्र मृत अवस्थामा फेला परेका छन्।

उनको नाम, थर र स्थायी वतन हालसम्म खुल्न नसकेको प्रहरीले जनाएको छ। स्थानीयले जानकारी दिएपछि प्रहरी घटनास्थल पुगेर मुचुल्का तयार पार्दै थप अनुसन्धान अघि बढाएको छ।

घटनाको कारण खुल्न बाँकी रहेको र यस सम्बन्धमा प्रहरीले आवश्यक अनुसन्धान गरिरहेको जनाएको छ।