काठमाडौं, २ कात्तिक – देशका विभिन्न स्थानहरूमा सवारी दुर्घटनामा तीन व्यक्तिको मृत्यु भएको छ।  दाङको बङ्लाचुली गाउँपालिका-४ जुम्लेपानीमा रा.१ ख १८५७ नम्बरको टिपर अनियन्त्रित भई सडकबाट करिब ७० मिटर तल खस्दा चालक २९ वर्षीय प्रभु चौधरीको घटना स्थलमै मृत्यु भएको छ। स्थानीय स्रोतका अनुसार, तीव्र गतिमा रहेका टिपरले अनियन्त्रित भएर दुर्घटना गराएको थियो।

भारतको बहादुरगञ्ज घर भएका ६५ वर्षीय आसारूलाल पानवारी लाई हिजो राती हिडिरहेको बेला गाडीले ठक्कर दिएको छ। पानवारी गम्भीर घाइते भएपछि बिर्तासिटी अस्पतालमा उपचारका क्रममा गए राति मृत्यु भएको हो। गाडी चालकलाई प्रहरीले नियन्त्रणमा लिएको छ।

दैलेखको डुङगेश्वर गाउँपालिका-२ तल्लो डुङगेश्वर नजिक भे.१ त ८९६७ नम्बरको ट्याक्टर अनियन्त्रित भई बिहीबार राति दुर्घटना हुँदा चालक ३७ वर्षीय गोपी नेपालीको मृत्यु भएको छ। गोपीलाई स्थानीय ढकाल मेडिकलमा उपचारको क्रममा निधन भएको छ। साथै, ट्याक्टरका सहचालक लाई थप उपचारका लागि कर्णाली प्रदेश अस्पताल सुर्खेत पठाइएको छ।