दक्षिणपूर्वी स्पेनमा मङ्गलबार आएको मुसलधारे वर्षाका कारण बाढीले सडक र शहरहरू जलमग्न भएका छन्, जसका कारण कम्तीमा ५१ जनाको मृत्यु भएको छ। 

अधिकारीहरूले पुष्टि गरेअनुसार आपतकालीन सेवा प्रदायकहरूले प्रारम्भिक मृत्यु सङ्ख्या ५१ रहेको बताए पनि केही व्यक्ति अझै सम्पर्कमा आएका छैनन्, जसका कारण मृतक सङ्ख्या थप बढ्न सक्ने अनुमान गरिएको छ।

क्षेत्रीय आपतकालीन सेवाहरूले एक्समा जारी गरेको सन्देशमा बाढी प्रभावित क्षेत्रमा मृतकका आफन्तहरूको सहयोगमा शव पहिचानको कार्य भइरहेको जनाएका छन्। यस प्राकृतिक विपत्तिले सडकमा कारहरू बगाएको, एक रेललाई पटरीबाट खसाएको र घर तथा भवनहरूमा ठूलो क्षति पुर्याएको छ।

बाढीले सबैभन्दा बढी असर पारेको क्षेत्रमा स्थानीय अधिकारीहरूले नागरिकहरूलाई घरमै बस्न र अत्यावश्यक बाहेक अन्य यात्राबाट जोगिन सल्लाह दिएका छन्। भ्यालेन्सिया क्षेत्रमा बाढीले बालबालिकासहित धेरै व्यक्तिको ज्यान लिएको छ।