राष्ट्रपति रामचन्द्र पौडेलले आज शीतल निवासमा आयोजित विशेष समारोहमा नवनियुक्त प्रधानसेनापति अशोकराज सिग्देललाई नेपाली सेनाको महारथी पदको दर्ज्यानी चिह्न प्रदान गरेका छन्। यससँगै सिग्देलले नेपालको संविधानले तोकेअनुसार सेनाको सर्वोच्च कमान्ड सम्हालेका छन्।

नेपाली सेनाको ४५औँ प्रधानसेनापति भएका सिग्देलले पद तथा गोपनीयताको शपथ लिएका छन्। नेपालको संविधानले सेनालाई देशको स्वतन्त्रता, सार्वभौमसत्ता, भौगोलिक अखण्डता र राष्ट्रिय एकताको रक्षा गर्ने जिम्मेवारी दिएको छ। यसका अतिरिक्त, विपद् व्यवस्थापन, राष्ट्र विकास, शान्ति स्थापना, आन्तरिक सुरक्षा, वन तथा पर्यावरण संरक्षण, ऐतिहासिक धरोहरको संरक्षण, राष्ट्रिय एकताको प्रवर्द्धन र आपत्कालीन खोज तथा उद्धार जस्ता महत्वपूर्ण कार्यहरू पनि सेनाको दायित्वभित्र पर्दछन्।

विशेष समारोहमा उपस्थित उच्चपदस्थ व्यक्तिहरू:

समारोहमा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, प्रधानन्यायाधीश विश्वम्भरप्रसाद श्रेष्ठ, सभामुख देवराज घिमिरे र राष्ट्रिय सभाका अध्यक्ष नारायण प्रसाद दाहाल लगायत उच्चपदस्थ व्यक्तिहरूको उपस्थिति रहेको थियो।

#NepalArmy