उपसभापति धनराज गुरुङ माथि निष्पक्ष छानबिन हुन्छ : गगन थापा
नेपाली कांग्रेसका महामन्त्री गगन थापाले पार्टी उपसभापति धनराज गुरुङको नाम सहकारी प्रकरणमा जोडिएको विषयमा निष्पक्ष छानबिन हुने बताएका छन्। मंगलबार काठमाडौंमा आयोजित एक कार्यक्रमपछि सञ्चारकर्मीहरूसँग कुरा गर्दै थापाले पार्टीको विधान, परम्परा, र निर्णयले कानुन उल्लंघन गर्ने कुनै पनि व्यक्तिलाई उन्मुक्ति दिन नहुने स्पष्ट पारे।
महामन्त्री थापाले शक्ति, पद, वा नाताले जेसुकै भए पनि, यदि आरोप प्रमाणित भएमा दोषीले दण्ड पाउनुपर्ने धारणा राखे। उनले उपसभापति गुरुङले संसदमा आफूमाथि छानबिन गर्न आफैं आग्रह गरेको र संसदीय समिति बनाएर छानबिन गर्न अझ सजिलो हुने बताए।
थापाले पार्टीको विधानले अपराध प्रमाणित भए, जसले पनि दण्ड भोग्नुपर्ने व्यवस्था रहेको भन्दै गुरुङको नाम सहकारी प्रकरणमा जोडिएपछि छानबिन प्रक्रियामा आउने बताए। उनका अनुसार यसबारे कांग्रेस नेतृत्व मौन रहेको भन्ने प्रश्न उठाउन नपर्ने स्पष्ट पारे।
तपाईको प्रतिक्रिया दिनुहोस