ओखलढुंगामा १६ वर्षीया बालिकालाई जबरजस्ती करणी गरेको आरोपमा सिद्धिचरण नगरपालिका-९ का ३८ वर्षीय राज कुमार भुजेललाई शनिबार बिहान प्रहरीले पक्राउ गरेको छ ।
पुस १७ गते राति बालिकामाथि जबरजस्ती करणी भएको उजुरीका आधारमा जिल्ला प्रहरी कार्यालयबाट खटिएको टोलीले उनलाई नियन्त्रणमा लिएको हो ।
त्यसैगरी, प्युठानको गौमुखी गाउँपालिका-५ खुङ सुन्दरमेला निवासी २२ वर्षीय कुलमान थापा मगरलाई १३ वर्षीया बालिकामाथि बिहीबार दिउँसो जबरजस्ती करणी गरेको अभियोगमा शनिबार साँझ प्रहरीले पक्राउ गरेको छ । इलाका प्रहरी कार्यालय पुजालिबासेबाट खटिएको प्रहरी टोलीले उनलाई नियन्त्रणमा लिएको हो।
दुवै घटनाबारे प्रहरीले थप अनुसन्धान गरिरहेको छ।
तपाईको प्रतिक्रिया दिनुहोस