सहकारीको रकम अपचलनसम्बन्धी संसदीय छानबिन समितिको सिफारिसलाई तत्काल कार्यान्वयन गर्न गृह मन्त्रालयले प्रहरी प्रधान कार्यालयलाई निर्देशन दिएको छ। गृह मन्त्रालयका प्रवक्ता सहसचिव ऋषिराम तिवारीका अनुसार, छानबिन समितिबाट प्राप्त सुझाव र सिफारिसहरू कार्यान्वयनका लागि लेखेर पठाइएको छ।

प्रवक्ता तिवारीले भने, "प्राप्त सिफारिस र सुझाव तत्काल कार्यान्वयन गर्न प्रहरी प्रधान कार्यालयमा लेखेर पठाएका छौँ।" सहकारीको अपचलन प्रकरणलाई थप गहिराइमा छानबिन गरी दोषीलाई कानुनी कारबाही गर्न निर्देशन दिइएको हो।