एसीसी एसिया कप अन्तर्गत दुबई अन्तर्राष्ट्रिय क्रिकेट मैदानमा पाकिस्तानले भारतलाई जितका लागि १२८ रनको लक्ष्य दिएको छ।

टस जितेर पहिले ब्याटिङ गरेको पाकिस्तानले निर्धारित २० ओभरमा ९ विकेट गुमाउँदै १२७ रन बनायो। पाकिस्तानका लागि सहिबजादा फरानले सर्वाधिक ४० रनको योगदान दिए। ४४ बल खेलेका उनले १ चौका र ३ छक्का प्रहार गरेका थिए । त्यस्तै, शाहिन्सा अफ्रिदीले ३३, फकर जमानले १७ र फहिम अश्रफले ११ रन बनाए।

भारतका बलिङतर्फ कुलदीप यादव सर्वाधिक सफल भए। उनले ४ ओभरमा १८ रन खर्चेर ३ विकेट लिए। त्यस्तै, अक्षर पटेल र जसप्रित बुमराहले २-२ विकेट झारे भने हार्दिक पाण्ड्या र बरुण चक्रवर्तीले १-१ विकेट लिएका थिए ।

आजको खेलमा दुबै टोली लगातार दोस्रो जित निकाल्ने लक्ष्यसहित मैदानमा उत्रिएका छन्। दुबै टोलीले प्रतियोगितामा आफ्नो पहिलो खेलमा जित हात पारेका थिए।