दीपेन्द्र सिंह ऐरीले आईसीसी क्रिकेट विश्वकप लिग–२ अन्तर्गत यूएईविरुद्ध अर्धशतक प्रहार गरेका छन्।

कीर्तिपुरस्थित त्रिवि क्रिकेट मैदानमा जारी खेलमा उनले ५९ बलमा अर्धशतक पूरा गरेका हुन्। ऐरीले आफ्नो इनिङ्समा ४ चौका र १ छक्का प्रहार गर्दै टोलीलाई मजबुत बनाउने प्रयास गरेका छन् ।

एकदिवसीय अन्तर्राष्ट्रिय क्रिकेटमा उनको यो छैटौं अर्धशतक हो। टस हारेर पहिले ब्याटिङ गरेको नेपालले समाचार तयार पार्दासम्म ३४.१ ओभरमा ६ विकेट गुमाएर १३९ रन बनाएको छ।