चीनको तियानजिनमा आगामी अगस्ट ३१ देखि सेप्टेम्बर १ सम्म आयोजना हुने शाङ्घाई सहयोग संगठन (एससीओ) शिखर सम्मेलनमा सहभागी हुन सदस्य देशका धेरै नेताहरू तियानजिन पुगिसकेका छन्।
यस क्रममा भारतीय प्रधानमन्त्री नरेन्द्र मोदी र पाकिस्तानी प्रधानमन्त्री शाहबाज शरीफ पनि तियानजिन पुगेका छन्। चीनमा पुगेपछि मोदीले सामाजिक सञ्जाल प्लेटफर्म ‘एक्स’ मा लेखेका थिए कि उनी अब एससीओ बैठकको प्रतीक्षामा छन् र विभिन्न देशका नेतासँग भेटघाट गरिरहेका छन्।
त्यसैगरी, शरीफले प्रस्थान गर्नु अघि एक्समा पोस्ट गर्दै भनेका थिए, “म तियानजिनमा हुने एससीओ बैठक र बेइजिङमा दोस्रो विश्वयुद्धमा फासीवादमाथि विजयको ८० औँ वार्षिकोत्सव समारोहमा भाग लिनेछु। आफू चिनियाँ राष्ट्रपति सी जिनपिङ र अन्य विश्व नेताहरूसँग भेट्न पर्खिरहेको छु ताकि चीन र अन्य देशहरूसँग सम्बन्ध बलियो बनाउन सकियोस्, क्षेत्रीय सहयोग बढाउन सकियोस् र शान्ति तथा प्रगतिको लागि सँगै काम गर्न सकियोस्।” भनेर पोष्ट गरेका थिए ।
एससीओ के हो?
एससीओको स्थापना २००१ मा चीन, रुस र कुनै बेला सोभियत संघका हिस्सा रहेका चार एसियाली देशहरू काजाकिस्तान, किर्गिस्तान, ताजिकिस्तान र उज्बेकिस्तानले मिलेर गरेका थिए ।
यसको उदय १९९६ मा सीमालाई लिएर रुस, चीन र यी मध्य एसियाली देशहरू बिच एउटा सम्झौता भएसँगै भएको थियो । यसलाई ‘शाङ्घाई पाँच’ सम्झौता भनिन्थ्यो । भारत र पाकिस्तान २०१७ मा यस संस्थामा सामेल भए । इरान २०२३ मा यसको सदस्य बनेको हो ।
तपाईको प्रतिक्रिया दिनुहोस