तनहुँको आँबुखैरेनी गाउँपालिका–२ ढापटारस्थित मर्स्याङ्दी नदी किनारमा आज बिहान एक पुरुषको शव फेला परेको छ।

जिल्ला प्रहरी कार्यालय तनहुँका अनुसार अन्दाजी ३० देखि ३५ वर्ष उमेरका नाम, थर र वतन नखुलेका व्यक्तिको शव बेवारिसे अवस्थामा भेटिएको हो।

 

शव देखेपछि स्थानीयवासीले प्रहरीलाई खबर गरेका थिए। प्रहरी निरीक्षक आशिष विश्वकर्माले घटनाको अनुसन्धान भइरहेको र मृतकको सनाखत गर्ने प्रयास भइरहेको जानकारी दिएका छन्।