लुम्बिनी प्रदेश सभा सदस्य सरिता पुनको निधन भएको छ।
उपचारका क्रममा काठमाडौंस्थित त्रिवि शिक्षण अस्पताल, महाराजगञ्ज अन्तर्गत मनमोहन कार्डियो–थोरेसिक सेन्टरमा आज (शनिबार) उनको निधन भएको एमाले पोलिटब्यूरो सदस्य तथा रुकुमपूर्व इन्चार्ज खेममान खड्काले जानकारी दिएका छन् ।
रुकुमपूर्व, तकसेरा निवासी पुनलाई केही दिनअघि स्वास्थ्य समस्या देखिएपछि काठमाडौं लगिएको थियो ।
अस्पतालमा उनको दुई पटक ठूलो शल्यक्रिया (मेजर अपरेशन) गरिएको थियो । पहिलो अपरेशनमार्फत उनले छोरीलाई जन्म दिएकी थिइन् भने दोस्रो अपरेशनमार्फत उनको मुटुमा कृत्रिम भल्भ प्रत्यारोपण गरिएको थियो ।
प्रदेश सभा सदस्य पुन एमालेबाट समानुपातिक निर्वाचन प्रणालीमार्फत निर्वाचित भएकी थिइन् । ८७ सदस्यीय लुम्बिनी प्रदेश सभामा उनको निधनसँगै रिक्तता आएको छ।
तपाईको प्रतिक्रिया दिनुहोस