सोलुखुम्बुको थामेमा बाढीपीडितलाई राहत सामग्री पुर्याउन कोसी प्रदेश सरकारको ठूलो टोली पुगेको छ। सोमबार बिहान, प्रदेशका दुई मन्त्रीहरूले प्रमुख जिल्ला अधिकारी देवी पाण्डेलाई राहत सामग्री हस्तान्तरण गरे। प्रमुख जिल्ला अधिकारी पाण्डेले भने कि पीडितहरूले तत्काल आवश्यक पर्ने सामग्री माग गरे पनि ती सामग्री उपलब्ध नभएको थियो।

साउन ३२ गते दुई हिमताल फुटेर आएको बाढीले थामे गाउँमा ठूलो क्षति पुर्याएको थियो, जसले गर्दा धेरै परिवार विस्थापित भएका छन्। कोसी सरकारका आन्तरिक मामिला तथा कानुनमन्त्री लीलावल्लव अधिकारी र खानेपानी, सिँचाइ तथा ऊर्जामन्त्री एकराज कार्की १४ जनाको टोलीसहित सोलुखुम्बु पुगेका थिए। मन्त्रीहरूसँग सुरक्षाकर्मी, चालक, कर्मचारी, सचिवालयका प्रतिनिधि र नेकपा (एमाले)का कार्यकर्ता पनि थिए ।