उदयपुरगढी गाउँपालिका-७ स्थित मदन भण्डारी राजमार्गमा पर्ने कल्भर्टमुनि एक पुरुषको शव फेला परेको छ। आज दिउँसो सोही वडाको घलेडाँडा घर भएका अन्दाजी ४३ वर्षीय नगेन्द्रबहादुर घलेको शव भेटिएको हो ।

घटनासँगै जिल्ला प्रहरी कार्यालयले अनुसन्धान शुरु गरेको छ। प्रहरी नायब उपरीक्षक राजन चापागाईंले शवको पहिचान र घटनाको पृष्ठभूमि बुझ्नका लागि तालिमप्राप्त कुकुर पठाइएको जानकारी दिए।

प्रहरीका अनुसार, सोमबार साँझ नजिकैको पसलमा साथीहरूसँग मदिरा सेवन गरी घले छुटेका थिए। स्थानीयका अनुसार, शवलाई शङ्कास्पद अवस्थामा फेला पारेपछि प्रहरीले कुकुर प्रयोग गरेर थप अनुसन्धान गरिरहेको छ ।

घटनास्थलको नजिकैको मदन भण्डारी सडक हेरालुहरूले सफाइका क्रममा शव देखेर प्रहरीलाई जानकारी दिएका थिए ।