अछामको पञ्चदेवल विनायक नगरपालिका–८ सेलापानीस्थित चुरखोली टोलमा छाउगोठमा सुतेका दुई जनाको ढुंगाले लागेर मृत्यु भएको छ।

शुक्रबार बिहान भीरबाट खसेको ढुंगाले लाग्दा ३५ वर्षीया निम खनाल र मंगलसेन नगरपालिका–६ की सात वर्षीया कविताको घटनास्थलमै मृत्यु भएको जिल्ला प्रहरी कार्यालय अछामका प्रमुख ओमप्रकाश खनालले जानकारी दिए।

उक्त घटनामा एक जना घाइते भएकी छिन्। उनलाई उपचारका लागि नजिकैको स्वास्थ्य चौकी पठाइएको प्रहरीले जनाएको छ।